ВОЗАЧИТЕ БЕЗ ЗАСТОЈ НА ГРАНИЦИТЕ – Но внимателно низ клисурите и котлините
Возачите се предупредуваат на можна појава на одрони на неколку патни делници низ државата.
Сообраќајот на државните патишта низ Македонија се одвива непречено, информира АМСМ. Интензитетот на сообраќај надвор од градските средини е умерен, а на граничните премини од македонска страна во моментов нема подолги задржувања за влез и излез од државата.
Од АМСМ апелираат возачите да ја прилагодат брзината на условите на патот, да ја почитуваат сообраќајната сигнализација и внимателно да управуваат со возилата, особено на делниците каде постои можност од појава на одрони. Поголема претпазливост се препорачува на патиштата Катланово – Велес, Маврово – Дебар – Струга, Виница – Берово и Кочани – Делчево.
Воедно, од 15 април повторно е отворен за сообраќај патниот правец Охрид – Ресен преку Националниот парк Галичица, и тоа за сите возила со тежина до 3,5 тона.