СКОПЈЕ КАКО ШТО НИКОГАШ НЕ СТЕ ГО ВИДЕЛЕ Бесплатен панорамски разглед по повод годишнината од земјотресот
раѓаните ќе имаат можност да го откријат Скопје пред катастрофалниот земјотрес од 1963 година и да ги слушнат приказните за објектите што исчезнале од лицето на градот.
По повод годишнината од катастрофалниот земјотрес што го погоди Скопје во 1963 година, Град Скопје утре организира бесплатен панорамски разглед на градот.
Разгледот ќе се реализира со панорамски автобус, а на граѓаните ќе им биде овозможено низ приказните на професионален туристички водич од Македонската асоцијација на туристички водичи и придружници да го запознаат Скопје од времето пред земјотресот.
Учесниците ќе имаат можност да дознаат повеќе за некогашниот изглед на градот, за објектите кои биле разрушени во катастрофалниот земјотрес, но и за местата кои оставиле траен белег врз историјата и духот на Скопје.
Поаѓањето е предвидено од Порта „Македонија“ во 10:00 часот.
Заинтересираните граѓани можат да се пријават за бесплатниот панорамски разглед на телефонскиот број +389 71 250 419.
Од Град Скопје велат дека ова е можност да се потсетиме на минатото, да ја зачуваме меморијата за Скопје и неговата историја и приказната за градот да ја пренесеме на идните генерации.
