ГОЛЕМ КУЛТУРЕН НАСТАН ВО ШТИП – Во чест на поетот за Ацо Шопов

Во организација на НУЦК „Ацо Шопов“ Штип, денеска, 22 април (среда), со почеток во 12:00 часот, во Спомен-собата на установата се одржа манифестацијата „Во чест на поетот“, посветена на големиот македонски поет Ацо Шопов, по повод 44 години од неговата смрт.

Настанот е посветен на животот и творештвото на еден од најзначајните македонски литературни имиња и има за цел да придонесе кон зачувување, негување и афирмација на неговото богато книжевно наследство.

Во рамки на програмата беа доделени признанија за посебен придонес во афирмацијата и популаризацијата на ликот и делото на Ацо Шопов. Добитници на признанијата се Божин Павловски, како и ревијата за литература, култура и уметност „Стожер“ при Друштвото на писателите на Македонија.

Проектот е целосно финансиран од Министерството за култура и туризам на Република Северна Македонија.