СОБРАНИЕТО ГО УСВОИ ДОПОЛНИТЕЛНИОТ РЕБАЛАНС Намалени приходите и расходите, обезбедени дополнителни средства за социјална заштита и здравство
Со ребалансот се обезбедуваат дополнителни 3,7 милијарди денари за социјални трансфери и 887 милиони денари за здравствена заштита.
Собранието го усвои дополнетиот ребаланс на Буџетот за 2026 година, со кој вкупните приходи се намалуваат за околу 5,3 милијарди денари и се проектирани на 374,2 милијарди денари. Вкупните расходи се намалени на 420,5 милијарди денари, додека буџетскиот дефицит останува непроменет на 46,3 милијарди денари.
Министерката за финансии Гордана Димитриеска-Кочоска истакна дека целта е зачувување на економската стабилност и обезбедување средства за сите државни обврски, вклучително платите, пензиите и социјалните надоместоци.
Со ребалансот се обезбедуваат дополнителни 3,7 милијарди денари за социјални трансфери и 887 милиони денари за здравствена заштита. Дополнително, 600 милиони денари се наменети за редовна исплата на породилните надоместоци.
Капиталните расходи се проектирани на 40,1 милијарда денари, наменети за инфраструктура, образование, енергетика, животна средина и други развојни проекти, вклучително и инвестиции во општините.
