ЧЕТИРИ ПРАВИЛА ШТО МОЖАТ ДА ГО ПРОМЕНАТ БЛИСКИОТ ИСТОК – Си Џинпинг изненади со порака

Кинескиот претседател Си Џинпинг изнесе четири предлози за зачувување на мирот на Блискиот Исток, кои опфаќаат почитување на суверенитетот на државите и усогласување на безбедносниот и развојниот аспект, објави Кинеската централна телевизија.

Предлозите вклучуваат почитување на принципот на мирен соживот, заштита на државниот суверенитет на земјите во регионот, почитување на меѓународното право и координација меѓу безбедноста и развојот.

Според него, неопходно е да се зачува авторитетот на меѓународното право и да се спречи враќање кон „законот на џунглата“ во меѓународните односи.

„Безбедноста е предуслов за развој, а развојот е гаранција за безбедност. Сите страни треба да создадат поволна средина и да насочат позитивна енергија кон развојот на земјите од Заливот и поширокиот Блиски Исток“ – истакна Си Џинпинг.

Кинескиот лидер ги претстави овие предлози на средбата со престолонаследникот на Абу Даби, шеикот Халед бин Мохамед Ал Нахјан, во Пекинг.