(ВИДЕО) НОВА ВОЈНА НА ПРАГ – Исламисти нападнаа повеќе градови истовремено, Бамако под опсада
Истовремени напади во Бамако, Кати, Мопти, Гао и Кидал укажуваат на високо ниво на организација.
Додека сите очи се свртени кон војната на Блискиот Исток и руско-украинската војна, денеска избувна уште една војна. Во Мали повторно ескалира насилството, откако вооружени и исламистички групи извршија координирани напади на повеќе локации низ земјата, вклучително и во главниот град Бамако. Меѓу целите беа аеродромот, воени касарни и други стратешки позиции, а според извештаите, мета на напаѓачите бил и високиот воен командант кој ја предводи државната власт.
Според локалните информации, борби избувнале во близина на воениот камп Сеноу, кој се наоѓа покрај меѓународниот аеродром Бамако-Сеноу. Ситуацијата останала тензична по серијата синхронизирани напади извршени во раните утрински часови.
Нападите опфатиле повеќе региони, меѓу кои Сеноу и Кати во близина на главниот град, како и Севаре, Мопти, Гао и Кидал, што укажува на добро координирана акција на вооружените групи. Пријавени се интензивни судири во неколку области, а жителите сведочат за силни експлозии и истрели.
Меѓу пријавените цели биле и меѓународниот аеродром во Бамако, како и резиденцијата на министерот за одбрана во Кати. Во Кидал се воделе тешки борби.
Армијата соопшти дека станува збор за напади од страна на неидентификувани вооружени терористички групи врз стратешки објекти и воени бази, и ги повика граѓаните да останат смирени и внимателни.
Безбедносните сили, според соопштението, се ангажирани во операциите за неутрализирање на напаѓачите.
Мали повеќе од една деценија се соочува со постојана нестабилност и напади од вооружени групи, а слични инциденти беа регистрирани и во 2024 година, вклучително и во реонот на Кати и околината на аеродромот Сеноу.
Multiple technicals and dozens of militants, likely with Jama’at Nusrat al-Islam wal-Muslimin (JNIM), seen earlier entering Kati just to the northwest of Mali’s capital of Bamako, with seemingly no resistance from the Malian Army or Africa Corps. pic.twitter.com/06UhJeMhO1
— OSINTdefender (@sentdefender) April 25, 2026