ТРАМП ГО ШОКИРА СВЕТОТ Хормутскиот теснец може да биде наш, а потоа испрати порака до Нетанјаху
Вашингтон најавува драматичен потег околу стратешкиот воден пат, додека Трамп сè повеќе се дистанцира од израелскиот лидер.
Американскиот претседател Доналд Трамп најави дека по завршувањето на војната со Иран би можел да го прогласи Хормутскиот теснец за територија на Соединетите Американски Држави, тврдејќи дека американската војска има целосна контрола врз овој стратешки важен воден пат. Трамп оцени дека Иран претрпел тежок пораз и дека американскиот воен притисок бил неопходен за да се спречи Техеран да дојде до нуклеарно оружје.
Во исто време, според „Аксиос“, Трамп сè повеќе се дистанцира од израелскиот премиер Бенјамин Нетанјаху и не планира јавно да го поддржи на претстојните избори. Иако американскиот претседател лично го цени Нетанјаху, извори блиски до него тврдат дека во последните месеци станал сè пофрустриран од неговите одлуки и политики, до степен што наводно го опишал како свој „најголем непријател“.
Американски и израелски извори за „Аксиос“ велат дека советниците на Трамп првично очекувале тој отворено да застане зад Нетанјаху по избувнувањето на војната со Иран. Сепак, текот на конфликтот и сè поголемите разлики во интересите и политичките приоритети меѓу Вашингтон и Ерусалим ја намалиле веројатноста за таква поддршка.
