МИЦКОСКИ СВИКА СОСТАНОК ЗА РЕФОРМИТЕ Што се менува во институциите и кои се приоритетите
Реформската агенда повторно во фокусот на Владата – премиерот најавува координиран пристап, конкретни чекори и посветена работа за економски развој, владеење на правото и подобар животен стандард.
Премиерот Христијан Мицкоски денеска одржа состанок посветен на спроведувањето на Реформската агенда, на кој во фокусот биле тековните активности, утврдените приоритети и динамиката со која треба да се реализираат планираните реформи.
Мицкоски преку објава на својот Фејсбук-профил информираше дека реформскиот процес бара координиран институционален пристап, јасно дефинирани цели и конкретни чекори за подобрување на функционирањето на институциите.
Премиерот порача дека Владата продолжува со посветена работа на реформите кои ги оцени како суштински за економскиот развој и подобрувањето на квалитетот на живот на граѓаните.
„Продолжуваме со посветена работа на реформите кои се од суштинско значење за економскиот развој, владеењето на правото, ефикасноста на институциите и подобрувањето на квалитетот на живот на граѓаните“, наведе Мицкоски.
Од Владата, преку овој состанок, се потенцира важноста на континуитетот, институционалната координација и исполнувањето на предвидените реформски обврски.
