КАЦ: Околу 4.000 терористи од нападот на 7 октомври се убиени

Најмалку 4.000 лица кои учествувале во нападот врз јужен Израел на 7 октомври 2023 година се убиени, изјави израелскиот министер за одбрана Израел Кац.

„Околу 6.000 терористи ја преминаа границата со Израел на 7 октомври и извршија злосторства. Од нив, околу 4.000 сега се убиени, а уште околу 2.000 остануваат“, изјави Кац, пренесува „Тајмс оф Израел“.

Кац додаде дека заедно со израелскиот премиер Бенјамин Нетанјаху побарал од армијата и безбедносните служби да ги пронајдат и ликвидираат учесниците во нападот, без оглед на нивниот ранг.

Израелскиот министер нагласи дека целта се однесува на сите учесници во нападот – „од високи до ниски чинови“.