ИЗВЕСТУВАЊЕ ЗА ВОЗАЧИТЕ Еве каква е состојбата на патиштата и границите
Сообраќајот се одвива непречено, без подолги задржувања на граничните премини, но возачите треба да внимаваат на можни одрони на неколку патни делници.
Сообраќајот на државните патишта се одвива непречено, по претежно суви коловози. Интензитетот на сообраќај надвор од градските средини е умерен, а на граничните премини од македонска страна нема подолги задржувања ниту за влез ниту за излез од државата.
Од АМСМ апелираат до возачите да ја приспособат брзината на движење, да ја почитуваат сообраќајната сигнализација и да управуваат внимателно, особено на патиштата низ котлините, речните долини и клисурите, каде постои можност од појава на одрони.
Посебна претпазливост се препорачува на делниците Катланово – Велес, Маврово – Дебар – Струга, Виница – Берово, Кочани – Делчево
Во однос на сезонскиот режим на сообраќај, од 15 април патниот правец Охрид – Ресен, преку Националниот парк Галичица, е отворен за сообраќај за сите видови возила со маса до 3,5 тони.
