ДОБРИ ВЕСТИ ЗА ГРАЃАНИТЕ Акумулациите се полни 70%, Божиновска уверува во стабилно снабдување со струја

Министерката за енергетика Сања Божиновска информираше дека домашните акумулации во моментов се исполнети околу 70 проценти, оценувајќи дека тоа претставува солидна основа за сигурно управување со хидропотенцијалот и стабилно функционирање на електроенергетскиот систем.

Според неа, моменталната состојба овозможува непречено производство на електрична енергија, додека надлежните институции континуирано ја следат состојбата со акумулациите и енергетскиот сектор со цел навремено да реагираат доколку има потреба.

Божиновска нагласи дека Министерството за енергетика, заедно со надлежните енергетски компании, и во наредниот период ќе продолжи внимателно да ги следи сите параметри и редовно да ја информира јавноста за состојбите во системот.

„Домашните акумулации се исполнети околу 70 проценти, што овозможува сигурно управување со хидропотенцијалот и стабилно функционирање на електроенергетскиот систем. Ќе продолжиме внимателно да ја следиме состојбата и навремено да ја информираме јавноста, со цел стабилно, сигурно и одржливо снабдување со електрична енергија за граѓаните и стопанството“, изјави Божиновска.

Таа потенцираше дека главен приоритет останува обезбедувањето сигурно и одржливо снабдување со електрична енергија, преку одговорно управување со домашните енергетски ресурси и постојано следење на состојбите во енергетскиот систем.