ВОЗАЧИТЕ, ВНИМАТЕЛНО Овие патишта се под ризик од одрони
АМСМ со предупредување за четири делници, сообраќајот генерално се одвива без проблеми.
Сообраќајот на државните патишта се одвива непречено и по суви коловози, информира АМСМ. Интензитетот на сообраќајот надвор од градските средини е зголемен, додека на граничните премини од македонска страна нема подолги задржувања за влез и излез од државата.
Од АМСМ апелираат возачите да ја приспособат брзината, да ја почитуваат сообраќајната сигнализација и да бидат особено внимателни на делниците каде постои можност од појава на одрони.
На дополнително внимание се посочуваат патните правци Катланово – Велес, Маврово – Дебар – Струга, Виница – Берово и Кочани – Делчево, особено поради условите на патиштата низ котлини, речни долини и клисури.
Во сила е и сезонскиот режим на сообраќај. Патниот правец Охрид – Ресен, преку Националниот парк „Галичица“, е отворен за сите видови возила до 3,5 тони.
