ПОПЛАДЕН ПРЕСВРТ НА ВРЕМЕТО По жештините следуваат дожд, грмежи и можен град
Температурите ќе достигнат до 33 степени, а во делови од земјата се очекува локална нестабилност.
Фото: Национал
Времето денеска (10 јуни) ќе биде претежно сончево и топло, со мала до умерена облачност и дневни температури од 12 до 33 степени, соопшти Управата за хидрометеоролошки работи.
Во попладневните часови се очекува локална нестабилност проследена со пороен дожд, грмежи и засилен ветер, а на поединечни места можно е и краткотрајно невреме со појава на град.
Ќе дува слаб до умерен северозападен ветер, кој повремено ќе биде поизразен долж Повардарието.
Во Скопје времето ќе биде сончево и топло со мала до умерена облачност. Во одделни делови од котлината попладне се можни краткотраен пороен дожд, грмежи и засилен ветер.
CATEGORIES Македонија