(ВИДЕО) ДРАМА ВО ХОТЕЛ ХИЛТОН – Гостин на гала вечерата на Трамп станал напаѓач, признал сè
Полицијата тврди дека осомничениот признал оти целел кон американски службеници на настанот.
Осомничениот за пукањето во Вашингтон наводно признал пред полицијата дека целта му биле американски службеници присутни на вечерата на дописниците од Белата куќа, која се одржала во хотелот „Хилтон“, објави CBS.
Според истите информации, мажот кој е приведен ќе биде изведен пред суд во понеделник. Американските власти соопштија дека против него се поднесени две обвиненија: употреба на огнено оружје при насилен криминал и напад врз федерален агент со опасно оружје. Обвинителот на Вашингтон, Џанин Пиро, ги потврди овие информации на прес-конференција.
Медиумите го идентификуваат осомничениот како Кол Томас Ален, 31-годишник од предградието на Лос Анџелес. Тој претходно работел како предавач и развивач на видео игри во Јужна Калифорнија.
Според јавни податоци, Ален дипломирал машински инженеринг на Калифорнискиот институт за технологија во 2017 година, а подоцна магистрирал компјутерски науки на Калифорнискиот државен универзитет Домингез Хилс.
За време на студиите на Калтех, во 2017 година се појавил во локални медиуми поради проект за прототип на сопирачка за инвалидска количка.
Податоци од Федералната изборна комисија покажуваат дека во октомври 2024 година донирал 25 долари за претседателската кампања на Камала Харис.
Полицијата во Вашингтон наведува дека осомничениот бил гостин во хотелот каде што се одржувала свечената вечера. Мотивот за инцидентот засега останува непознат.