ОДЛУКА ВО ПОСЛЕДЕН МОМЕНТ – Дали пукањето во Вашингтон ќе ја откаже посетата на кралот Чарлс

Бакингемската палата соопшти дека се водат „повеќе консултации“ околу тоа како инцидентот со пукање во Вашингтон би можел да влијае врз планираната државна посета на британскиот крал Чарлс III на САД. Во исто време, палатата го осуди нападот.

Според соопштението, кралот Чарлс е целосно информиран за случувањата и изразил олеснување што американскиот претседател Доналд Трамп, првата дама Меланија Трамп и сите присутни гости не се повредени. Ова го изјави портпарол на Бакингемската палата, пренесува Sky News.

Британските медиуми јавуваат дека кралот и кралицата приватно контактирале со Трамп и неговата сопруга за да изразат сочувство по инцидентот, како и благодарност до безбедносните служби за нивната брза реакција и спречување на понатамошни повреди.

Посетата на кралот Чарлс на САД е закажана за утре, само нешто повеќе од 24 часа по пукањето на настан во Вашингтон на кој присуствувал и Трамп.

Државниот секретар во кабинетот на британскиот премиер Кир Стармер, Дарен Џонс, изјави дека премиерот испратил порака до американскиот претседател како израз на солидарност.

Тој додаде дека и британската влада и Бакингемската палата придаваат „најголемо значење“ на безбедноста на кралот, и дека во тек се интензивни консултации кои ќе продолжат во наредните денови.