ГОЛЕМ ДЕФЕКТ ВО СКОПЈЕ Дел од Скопје денеска без вода

Поради итен дефект на главната водоводна линија со пречник од 700 милиметри на булеварот „Александар Македонски“, ЈП „Водовод и канализација“ – Скопје денеска ќе изведува технички зафати, поради кои ќе има значителни прекини во водоснабдувањето. Проблемот започна утрово во 7:30 часот, а нормализирањето на водоснабдувањето ќе биде по завршување на санацијата.

Прекинот и намалениот притисок ќе ги зафатат повеќе локации. Без вода или со ограничено снабдување ќе останат делови од булеварот „Александар Македонски“, улицата 808 и дел од булеварот „Киро Глигоров“. Намален притисок ќе има во Автокоманда (ниска зона), Триангла, Хиподром и на улицата „Перо Наков“ во близина на Кванташки пазар. Целосен прекин на водоснабдувањето е најавен за населбата М.А. Ченто, како и за улиците „Маџари“, „Палмиро Тољати“ и за село Сингелиќ.

Од претпријатието апелираат граѓаните да бидат трпеливи и навреме да ги планираат своите дневни активности додека траат интервенциите.