УКРАИНА И ФРАНЦИЈА ПОТПИШАА ДОГОВОРИ ЗА НАБАВКА НА ОРУЖЈЕ Зеленски ја нарече поддршката „моќна и пресудна“

Украина и Франција потпишаа договори со кои Киев ќе набави 100 авиони „Рафал“ Ф-4, радари и повеќе системи за противвоздушна одбрана – значајно зајакнување на украинската армија во услови на интензивни руски напади врз енергетскиот сектор. Зеленски ја нарече поддршката „моќна и пресудна“, додека Макрон истакна дека модернизацијата на украинските сили е клучна за европската безбедност.

Зеленски ја продолжува европската турнеја и заминува за Шпанија, додека во САД се подготвува закон што би санкционирал држави кои соработуваат со Русија – потенцијално и Иран. Кремљ предупреди на „исклучително негативна реакција“.