ТАТКОТО НА ЈАМАЛ ВО ЖЕСТОК ОДГОВОР „Не сум куче на никого!“

Таткото на младата ѕвезда на Барселона, Ламин Јамал, повторно привлекува внимание на социјалните мрежи. Мунир Насрауи, кој потекнува од Мароко, не се двоумеше да се соочи со критиките што ги добива, објавувајќи неколку провокативни постови. Неговите зборови предизвикаа интерес и во шпанските медиуми, кои веднаш ги пренесоа неговите пораки.

„Роден сум да умрам, а не да бидам куче на некого“, напиша Мунир на својот Инстаграм профил, што многумина го протолкуваа како директен одговор на критичарите кои го обвинуваат за неговата отвореност и искреност. Оваа изјава, исто така, се смета за форма на поддршка за неговиот син, Ламин.

Во продолжение на своите објави, тој истакна: „Моите објави ги гледаат 80 проценти од луѓето што не ме следат. Не ми е потребен никој, само благословот на мајка ми.“ Ова не е прв пат Мунир да биде во центарот на вниманието. На неодамнешното доделување на Златната топка, во момент на тензична тишина, тој извикуваше: „Ламин, во добро и во зло“, што дополнително ја зголеми неговата видливост во јавноста.

Насрауи не се плаши од критиките и продолжува да дели свои мислења, дури и во бизарни ситуации, како што е видеото во кое објаснуваше како се приготвуваат пилешки медалјони, додека во позадина се гледаше статуа на неговиот син. Неговата отвореност и искреност продолжуваат да предизвикуваат реакции, а Мунир јасно стави до знаење дека нема да дозволи никој да го контролира.