ЗЕЛЕНСКИ ОТКРИ: ПОВТОРНО ЈА ПОГОДИВМЕ МОСКВА Русија под нов жесток удар

Украина повторно удри длабоко во Русија, а претседателот на Украина, Володимир Зеленски, објави снимки од последиците од синоќешните напади врз цели на руска територија. Иако руските власти тврдат дека нападите биле изведени исклучиво со беспилотни летала, Киев порача дека во операциите биле употребени и средства со среден дострел.

Зеленски соопшти дека по вторпат во текот на неделата била погодена Москвската рафинерија, како и цели во Ростовската област и на окупираните украински територии. Според него, станува збор за легитимен одговор на руските напади врз украинските градови и инфраструктура.

„Нашите сили уште еднаш покажаа дека можат да стигнат до објектите кои ја одржуваат руската воена машинерија. Им благодарам на сите единици кои учествуваа во операцијата за нивната координација и прецизност“, порача Зеленски.

Тој нагласи дека украинските партнери ја забележале ефикасноста на нападите со среден и долг дострел, додавајќи дека е време конфликтот да заврши преку дипломатски чекори и дека Русија треба да покаже подготвеност за таков процес.

Во меѓувреме, градоначалникот на Москва, Сегеј Собјанин, соопшти дека руската престолнина во текот на ноќта била цел на десетици беспилотни летала, додека повеќе руски канали на Телеграм објавија информации за активирана противвоздушна одбрана во регионот.

Last night, our long-range sanctions once again reached the Moscow region – for the second time this week, the Moscow oil refinery was hit. Targets were also struck in the Rostov region and in temporarily occupied territories of Ukraine. This is a fully justified response to… pic.twitter.com/NhFl4FlT9L

— Volodymyr Zelenskyy / Володимир Зеленський (@ZelenskyyUa) June 18, 2026