(ВИДЕО) ДРАМА ПО БИТКАТА – Симеоне турка и удира противнички играч

Диего Симеоне, тренерот на Атлетико Мадрид, наводно бил инволвиран во инцидент со дефанзивецот на Арсенал, Бен Вајт, по завршувањето на полуфиналниот натпревар од Лигата на шампионите кој заврши 1-1 на стадионот „Ванда Метрополитано“.

Според извештаи на шпанските медиуми, инцидентот се случил на патот кон тунелот, кога Симеоне реагирал поради тоа што Вајт поминал преку дел од теренот каде што е поставен симболичен грб на Атлетико, кој во Шпанија се смета за знак на голема почит. На видео-снимка објавена од „Марка“, се гледа како тренерот во афект го допира и турка играчот на Арсенал, по што следела кратка вербална расправија.

Вајт, според истите извори, реагирал со зборови кон Симеоне, по што интервенирало обезбедувањето и ситуацијата била смирена, а фудбалерот продолжил кон соблекувалната.

Шпанскиот весник „АС“ наведува и дека во инцидентот бил вмешан и Џулијано Симеоне, синот на тренерот и фудбалер на Атлетико, иако деталите за неговата улога се разликуваат во извештаите.

Натпреварот инаку беше исполнет со тензија и силни емоции, а двата гола беа постигнати од пенал. Арсенал прв поведе преку Виктор Ѓокереш, кој и сам го реализираше ударот од белата точка, додека Атлетико израмни преку Хулијан Алварез, исто така од пенал по игра со рака.

Во текот на мечот имаше и контроверзна ситуација со потенцијален пенал за Арсенал, кој првично бил досуден, но по интервенција на ВАР одлуката била поништена.

BEN WHITE STEPS ON ATLETI CREST AND SIMEONE REACTS 🚨🚨

On his way to the tunnel, the Arsenal defender accidentally stepped on the club’s badge, and Simeone immediately called him out 🗣️

Was it disrespectful or just a mistake? 🤔#BenWhite #AtleticoMadrid #Arsenal #UCL pic.twitter.com/9lzBQpGIkZ

— MARCA in English 🇺🇸 (@MARCAinENGLISH) April 29, 2026