ТРИ АВТОРКИ, ЕДЕН СТРИП-СВЕТ Скопски стрипосестри 2026 доаѓа во Скопје
Дона да Видра, Ангела Петрушевска и Евгенија Трајковска со свои дела ќе ја претстават моќта на визуелното раскажување во деветтата уметност.
ЈУ Дом на култура „Кочо Рацин“ – Скопје и Здружението на стрип автори и љубители на стрипот „Стрип центар – Стрипот може“ од Велес организираат изложба насловена „Скопски стрипосестри 2026“.
На изложбата ќе бидат претставени дела на три талентирани авторки Дона да Видра, визуелна уметница, Ангела Петрушевска, мултидисциплинарна уметница и Евгенија Трајковска, визуелна уметница.
Проектен менаџер и промотор е Томе Трајков, додека куратор на изложбата е Иван Станчевски.
Изложбата ќе биде отворена на 14 септември 2026 година (понеделник), со почеток во 19 часот, во галеријата „КО-РА“, мал салон, во Скопје.
Организаторите ги повикуваат љубителите на стрипот и визуелната уметност да присуствуваат на отворањето и да дадат свој придонес во разговорот за развојот на деветтата уметност во Македонија.
„Дојдете заедно да го прославиме креативниот израз и моќта на визуелното раскажување приказни преку деветтата уметност да размениме мислења или едноставно да се видиме“, порачуваат организаторите.
