ТРАМП ОБЈАВИ ВИДЕО КОЕ ПРЕДУПРЕДУВА – Дали најави напад врз Иран

Претседателот на САД, Доналд Трамп, објави видео на платформата Truth Social, кое наводно прикажува сцена од воен напад врз ирански авион.

Под објавата се појавува наслов со провокативна порака: „Добро, направивме. Оган – бум“, додека видеото прикажува американски разорувач со знамето на САД како соборува авион со иранско знаме. Во еден дел од снимката се гледа и Трамп како ја изговара спорната фраза, која според информации датира од настан во 2020 година.

Истиот ден, Трамп повторно ја отфрли последната мировна иницијатива на Иран, оценувајќи ја како неприфатлива, и отворено зборуваше за досегашните акции на американската војска во регионот, како и за можни идни цели кои би можеле да бидат предмет на преиспитување, пишува американскиот печат.

Американскиот министер за одбрана Пит Хегсет им соопштил на пратениците дека САД имаат подготвен план за ескалација доколку тоа стане неопходно.

Во меѓувреме, „Њујорк Тајмс“ објави дека се во тек интензивни воени подготовки за можни нови напади, кои би можеле да започнат веќе следната недела, повикувајќи се на извори од Блискиот Исток.

Во регионот моментално се распоредени околу 50.000 американски војници, поддржани од воздухопловни и поморски сили, како дел од подготвеноста за евентуална наредба од претседателот.

Дополнително, ударните групи на носачите на авиони „Абрахам Линколн“ и „Џорџ В. Буш“ остануваат активни во регионот, додека „Џералд Р. Форд“ веќе е вратен во САД.