ТЕНЗИИ НАД БАЛТИЧКОТО МОРЕ Шведски Gripen-и се кренаа во воздух, руски авиони во близина на границата
Инцидентите се случиле во јужниот и северниот дел на Балтичкото Море, без нарушување на шведската граница.
Шведските вооружени сили соопштија дека два пара ловци JAS 39 Gripen биле итно подигнати за да пресретнат руски воени авиони во регионот на Балтичкото Море, во близина на шведскиот воздушен простор.
Според соопштението, инцидентите се случиле во јужниот и северниот дел на Балтикот, при што не е регистрирано нарушување на шведскиот воздушен простор, пренесува порталот Nordic Defense Sector.
Шведските ловци биле ангажирани за идентификација и следење на руските авиони, меѓу кои се наведуваат Су-24 и Су-34. Во операцијата учествувале и сојузнички сили, со цел зајакнување на безбедноста во регионот.
Вицеадмиралката Ева Ског Хаслум оцени дека станува збор за „сериозен и повторувачки образец“ на руско однесување кој ја загрозува безбедноста и стабилноста на Шведска и НАТО-сојузниците, додавајќи дека реакцијата на ловците била „брза и решителна“.
Шведските власти истакнаа дека поради зголемената воена активност во регионот, е зголемено нивото на готовност и присуството на воздушни сили над Балтичкото Море.
