РУСИЈА СЕ ПОФАЛИ Освоено уште едно село во Донецк, што се случува на фронтот
Се тврди дека руската противвоздушна одбрана соборила десетици ракети и илјадници дронови во последниот период.
Руското Министерство за одбрана соопшти дека нивните сили го зазеле селото Пријут во Донецката Народна Република.
Според истиот извештај, во периодот од 6 до 12 јуни, руските вооружени сили извршиле повеќекратни удари со високопрецизно оружје и беспилотни летала, како одговор на, како што наведуваат, украински напади врз цивилни објекти на руска територија. Биле изведени два масовни и пет групни напади.
Во соопштението се наведува дека различни воени формации постигнале значителни резултати на терен. Така, групата „Север“ пријавила уништување на над 1.500 украински војници, како и уништена опрема, вклучувајќи тенкови, оклопни возила, артилерија и системи за електронско војување.
Групата „Запад“ информира за елиминирани околу 1.460 војници и уништена воена техника, додека групата „Југ“ наведува над 1.000 неутрализирани припадници и повеќе единици опрема.
Дополнително, групата „Центар“ и „Исток“ пријавуваат илјадници загуби кај противничките сили и уништена техника, а „Дњепар“ известува за десетици уништени возила и системи за електронско војување.
Руската противвоздушна одбрана, според извештајот, соборила десетици воздушни бомби и ракети, вклучително и системи HIMARS и други наведувани проектили, како и илјадници беспилотни летала
