РАСПРОДАЖБА НА ВОЛСТРИТ Акциите на технолошките гиганти и компаниите за вештачка интелигенција доживеаја голем пад

Светските берзи забележаа остар пад, предводен од технолошките компании и секторот за вештачка интелигенција. Американскиот индекс „СиП 500“ загуби 4,4%, „Дау Џонс“ падна за 3,4%, а „Насдак“ забележа пад од 5,5%, влегувајќи во берзанска корекција.

Најголеми загуби претрпеа компаниите поврзани со вештачката интелигенција. Акциите на „Енвидија“ паднаа за 9,3%, „Адвансд мајкро дивајсис“ за 17,3%, а „Корвив“ за 9,8%.

Инвеститорите се загрижени поради високите трошоци за финансирање, можните ограничувања за изградба на центри за податоци и сè поголемите сомнежи дека технолошките акции се преценети.

Дополнителна неизвесност создадоа и резултатите од американските конгресни избори, поради можноста за ограничување на новите центри за податоци, што би можело да ја намали побарувачката за чипови и друга инфраструктура за развој на вештачката интелигенција.