ОД 0:1 ДО ТРИУМФ Хванг режираше спектакуларен пресврт на Кореја

Јужна Кореја направи голем пресврт и со 2:1 ја совлада Чешка во првото коло од Групата А, а главна фигура во победата беше играчот од средниот ред Хванг.

Фудбалерот на Феенорд најпрво донесе израмнување со мајсторски погодок. На акцијата ѝ претходеше импресивна низа од 25 додавања и петта најдолга гол-акција на Светските првенства од 1966 година наваму.

Откако ја прими топката на работ од шеснаесетникот, Хванг со еден потег ги надмудри и дефанзивецот и голманот, а потоа со прецизен лоб удар ја затресе мрежата.

Само десет минути подоцна повторно беше во центарот на вниманието. Со одлична асистенција го намести победничкиот погодок и ја комплетираше драматичната пресвртница на Кореја, која со три бода го отвори настапот на Светското првенство.