НАРОДНАТА БАНКА ПРЕСЕЧЕ Еве што ќе се случува со каматите

Народната банка одлучи да ја задржи основната каматна стапка на ниво од 4,25 проценти. Одлуката е донесена на редовната седница на Извршниот одбор, одржана на 28 јули, по зголемувањето на каматната стапка во јуни.

Од централната банка информираат дека одлуката е донесена врз основа на најновите економски показатели, како и проценката на ризиците во домашното и меѓународното окружување. Девизниот пазар останува стабилен, додека девизните резерви се на соодветно ниво и обезбедуваат одржување на стабилноста на курсот на денарот.

Во меѓувреме, годишната инфлација во јуни се намали на 3,4 проценти, што е под очекувањата. Сепак, Народната банка оценува дека е потребен подолг период за да се потврди одржливоста на овој тренд. Неизвесноста и натаму е висока поради геополитичките случувања, конфликтите на Блискиот Исток и во Украина, како и можните последици врз цените на енергенсите и глобалните синџири на снабдување.

Домашната економија, според Народната банка, продолжува да покажува отпорност. БДП во првиот квартал од годинава пораснал за 3,1 процент, а достапните економски показатели укажуваат на можност за дополнително забрзување на активноста во вториот квартал. Народната банка најавува дека и во наредниот период внимателно ќе ги следи економските и финансиските движења во земјата и во странство. Доколку биде потребно, ќе ги искористи сите расположливи инструменти со цел да се зачуваат ценовната и финансиската стабилност.