НАПАД ПРЕД ЕВРЕЈСКИОТ МУЗЕЈ ВО ВАШИНГТОН Убиени двајца вработени во израелската амбасада, осомничениот приведен
Осомничениот извикал „Слободна Палестина“ пред приведувањето; инцидентот осуден како антисемитски тероризам.
Вашингтон, САД – Двајца вработени во израелската амбасада, маж и жена, беа застрелани пред Еврејскиот музеј во центарот на Вашингтон во вечерните часови, потврди полицијата.
Нападот се случил во 21:05 часот по локално време, додека дипломатите излегувале од настан организиран во музејот.
Полицијата го идентификуваше осомничениот напаѓач како Елијас Родригез, жител на Чикаго, Илиноис. Тој е приведен веднаш по нападот. Според извештаи на Би-Би-Си, Родригез успеал да извика „Слободна Палестина“ пред да биде совладан од безбедносните сили.
Инцидентот веднаш предизвика силни реакции од властите и меѓународната заедница. Шефицата за домашна безбедност на САД, Кристи Ноем, изјави:
„Ќе го изведеме овој изопачен сторител пред лицето на правдата. Секој напад врз дипломатски претставници е напад врз вредностите што ги штитиме.“
Израелскиот амбасадор во Обединетите нации го нарече нападот „изопачен чин на антисемитски тероризам“, повикувајќи на остар одговор и засилена безбедност на еврејските и израелските институции во странство.
Федералното биро за истраги (ФБИ) и Секрет сервисот се вклучени во истрагата, а засега не е познато дали осомничениот дејствувал сам или имал поддршка. Безбедносните мерки околу израелската амбасада и Еврејскиот музеј се засилени.
Washington: The moment the murd*rer who carried out the attack near the Israeli embassy, during which 2 Israeli embassy employees were murd*red, was arrested.
— David M (@DavidM67334955) May 22, 2025
He even managed to shout "Free Palestine" before being taken into custody. pic.twitter.com/O0s7HA27Yf