МБАПЕ МУ СВРТЕ ГРБ НА РЕАЛ Французинот подготвува сензационално заминување
Новинарот Франсоа Гаљардо тврди дека напаѓачот е незадоволен од односот на клубот и сака трансфер во Англија.
Килијан Мбапе би можел да го напушти Реал Мадрид во 2027 година, бидејќи наводно е разочаран од односот на раководството на клубот кон него, тврди новинарот Франсоа Гаљардо од „Ел Чирингито“.
Според Гаљардо, францускиот напаѓач сака кариерата да ја продолжи во англиската Премиер лига, а Реал Мадрид, доколку Мбапе донесе конечна одлука за заминување, нема да се обидува да го спречи.
Мбапе наводно бил незадоволен и од тоа што Реал Мадрид не застанал активно зад неговата кандидатура за „Златната топка“. Незадоволството, според овие информации, дополнително го засилило неговото размислување за промена на средината.
27-годишниот Мбапе е член на Реал Мадрид од 2024 година. Со „кралскиот клуб“ досега ги освои Суперкупот на Шпанија и Интерконтиненталниот куп, но отсуството на поголеми трофеи, заедно со наводното незадоволство од односот на клубот, се посочуваат како можни причини за неговата желба да го напушти „Сантијаго Бернабеу“.
Мбапе во Мадрид пристигна во 2024 година како едно од најголемите засилувања во историјата на клубот, по долгогодишните напори на Реал да го доведе францускиот репрезентативец.
