ГВАРДИОЛА БАРА БОГАТСТВО ЗА ДА ЈА ВОДИ ИТАЛИЈА Сумата што ги шокираше „Аѕурите“
Шпанскиот стратег наводно бара 20 милиони евра годишно, двојно повеќе од буџетот на Италијанската фудбалска федерација за селекторската позиција.
Шансите Пеп Гвардиола да стане нов селектор на италијанската фудбалска репрезентација се намалуваат поради неговите финансиски барања. Според информациите на италијанскиот весник „Газета дело спорт“, шпанскиот тренер на неодамнешната средба во Барселона со техничкиот директор Паоло Малдини ги претставил условите под кои би прифатил да седне на клупата на „Аѕурите“.
Наводно, Гвардиола бара годишна плата од 20 милиони евра, што е двојно повеќе од буџетот од околу 10 милиони евра со кој Италијанската фудбалска федерација располага за селекторската функција. Огромната разлика меѓу финансиските очекувања на Гвардиола и можностите на федерацијата сериозно ги намалува шансите за реализација на оваа идеја.
За споредба, Луис де ла Фуенте, селекторот на актуелниот светски и европски шампион Шпанија, заработува околу два милиони евра годишно – сума која е десетпати помала од наводното барање на Гвардиола.
Поради високите финансиски барања, претседателот на Италијанската фудбалска федерација, Џовани Малаго, би можел да се откаже од ангажманот на трофејниот стратег. Во случај преговорите со Гвардиола да пропаднат, меѓу потенцијалните кандидати за селекторската позиција се споменуваат Андреа Пирло, Роберто Манчини и Антонио Конте.
ИТАЛИЈА ГО САКА ГВАРДИОЛА Федерацијата призна, разговаравме со Пеп
