ГЕРМАНИЈА ГЛАСА, А СЕ МЕНУВА ПОЛИТИЧКАТА СЛИКА Денешните избори можат да откријат што навистина се случува зад анкетите
Во Мекленбург-Западна Померанија и Берлин граѓаните избираат нова политичка констелација, додека CDU, SPD, Левицата и AfD се соочуваат со важен тест.
Граѓаните во Германија денес гласаат на регионалните избори во сојузните покраини Мекленбург-Западна Померанија и Берлин, во избори кои се следат со големо внимание поради промените во политичката поддршка.
Во Мекленбург-Западна Померанија, според анкетите, најголема поддршка има Социјалдемократската партија на Германија (SPD), додека во Берлин Левицата е меѓу партиите со најголема поддршка.
Според истражувањата цитирани од „Ројтерс“, Христијанско-демократската унија (CDU) на канцеларот Фридрих Мерц се соочува со неизвесен резултат во Мекленбург-Западна Померанија. Во Берлин, пак, анкетите ја позиционираат CDU зад SPD.
Особено внимание привлекува резултатот што би можела да го постигне Алтернативата за Германија (AfD). Иако според анкетите партијата не се очекува да ја повтори победата од изборите на 6 септември во Саксонија-Анхалт, резултатите во Мекленбург-Западна Померанија и Берлин ќе покажат колкава е нејзината поддршка во различни делови од земјата.
Мекленбург-Западна Померанија е претежно рурална покраина во поранешниот источен дел на Германија, додека Берлин е политички и економски центар на земјата. Токму затоа, изборните резултати во двете покраини се очекува да дадат поширока слика за актуелните политички трендови во Германија.
МЕРКЕЛ ВО ШОК, ТРАМП ВО ЕУФОРИЈА АфД ја „згази“ германската политичка сцена со историски резултат
