АМЕРИКА СТАНУВА НОВ НАФТЕН ГИГАНТ- Стотици бродови се движат кон САД

Доналд Трамп изјави дека иранските власти наводно насочиле стотици бродови кон американските сојузни држави богати со нафта, меѓу кои Тексас, Луизијана и Алјаска. Тој не прецизираше за каков вид пловила станува збор, но експертите сметаат дека нарушувањата во Хормускиот Теснец довеле до зголемена побарувачка за американска сурова нафта.

Ормускиот Теснец, кој е клучна рута за извоз на нафта и гас од земјите од Персискиот Залив, наводно е затворен за поголемиот дел од бродскиот сообраќај од почетокот на американско-израелските напади врз Иран на 28 февруари. Според проценките, протокот низ теснецот е намален за околу 97%, а околу 2.000 бродови останале блокирани во Заливот поради конфликтот.

Поради ограничениот пристап до нафта од Блискиот Исток, купувачите и извозниците се свртеле кон алтернативни извори на снабдување.

Податоците на поморската аналитичка компанија „Кеплр“ покажуваат дека 71 голем танкер се упатиле кон САД за товарење американска нафта, наспроти просекот од 27 танкери дневно во истиот период минатата година.

„Купувачите од Европа и Азија сè повеќе го гледаат снабдувањето од атлантскиот басен, вклучително и Мексиканскиот Залив, како стабилна и достапна алтернатива за пополнување на недостигот“, изјави Дејвид Хејдон од „Аргус медија“.

Во меѓувреме, се забележува зголемување на американскиот извоз на сурова нафта. Консултантската куќа „Друри“ наведува дека во неделата што завршила на 10 април, испораките достигнале 5,2 милиони барели дневно, што е највисоко ниво во последните седум месеци.