АЛТА БАНКА ОТВОРА НОВ ПРОБЛЕМ Ќе доцнат ли платите во јавниот сектор?!
Помалку од десет дена пред исплатата, дел од вработените треба да отворат нови трансакциски сметки, што може да предизвика доцнење на платите.
Фото: Принтскрин
Исплатата на платите во јавниот сектор може да доцни поради проблемите со Алта банка, дознава Национал од свои извори. Вработените кои досега примале плата преку оваа банка треба да отворат нови трансакциски сметки и да ги достават податоците до институциите во кои работат.
Покрај отворањето сметки, институциите ќе треба навреме да ги ажурираат податоците во системите за исплата на платите. Доколку постапката не заврши во предвидениот рок, постои ризик дел од вработените да не ја добијат платата на вообичаениот датум.
Засега нема официјални податоци колку вработени се засегнати, ниту дали ќе биде воведена забрзана постапка за да се избегне евентуално доцнење.
CATEGORIES Бизнис