АКО ЖИВЕЕТЕ ВО КИСЕЛА ВОДА, ПРОЧИТАЈТЕ – ЕВН најави шестчасовен прекин на струја

Жителите на дел од скопската населба Кисела Вода денеска ќе бидат без електрична енергија поради планирани технички интервенции во дистрибутивната мрежа, информираат од ЕВН Македонија АД.

Прекинот на струјата е најавен за периодот од 08:30 до 14:30 часот, а ќе ги опфати дел од корисниците на улицата „Јустинијан Први“ во Општина Кисела Вода.

Од ЕВН посочуваат дека станува збор за редовни зафати со цел подобрување и одржување на електродистрибутивната мрежа и апелираат граѓаните навремено да ги организираат своите дневни активности до завршување на работите.