ВОЕНА ЕСКАЛАЦИЈА Иран го запали небото над Израел со ракетен напад

Во силен и интензивен ракетен напад од Иран врз Израел, небото над Тел Авив и јорданската престолнина Аман беше осветлено од експлозии и судири меѓу проектили и системи за противракетна одбрана. Граѓаните итно се повикуваат да се евакуираат во безбедни прифатилишта.

Снимките во живо од Тел Авив прикажуваат десетици проектили како се испукуваат и системи за пресретнување кои ги неутрализираат на патот кон градот, додека силни експлозии го осветлуваат ноќното небо. Слична ситуација беше забележана и во Аман, каде што се слушнаа детонации и одекнаа експлозии.

Оваа ескалација доаѓа како дел од серија ирански напади врз Израел, но интензитетот на вечерашниот удар е забележително посериозен. Израелската војска засега не објавила официјални информации за евентуални штети или жртви, додека сирените за воздушна опасност продолжуваат да се огласуваат низ целата територија.

Граѓаните се предупредени да останат во засолништа и да следат упатства од властите.