ВИКЕНДОВ МОЖНИ ПРЕКИНИ НА БАНКАРСКИТЕ УСЛУГИ Од понеделник нови платни налози и ИБАН-формат на сметките

Банките во Македонија на 7 и 8 ноември ќе вршат технички прилагодувања на системите поради воведувањето нови стандарди во денарскиот платен промет, кои стапуваат во сила од 9 ноември.

Можно е привремено да има прекини и ограничувања, особено кај платежните трансакции. Секоја банка поединечно ќе ги објави деталите за опфатените услуги и времетраењето на прекините.

Од понеделник се воведуваат нови платни налози, шифри за целта на плаќањето и ИБАН-формат на платежните сметки. Броевите на постојните сметки остануваат непроменети, а банките автоматски ќе го приспособат нивното прикажување во електронското и мобилното банкарство.

Од Македонската банкарска асоцијација ги повикуваат граѓаните и компаниите навреме да ги планираат плаќањата.