6.678 ДЕНА ПОДОЦНА Роналдо првпат по 18 години не влезе во игра за Португалија

Кристијано Роналдо (41) испиша несекојдневен момент во репрезентативната кариера, откако за првпат по речиси 18 години остана на клупата во официјален натпревар на Португалија.

Тоа се случи во победата на Португалија со 2:1 против Норвешка. За гостите погодија Жоао Феликс и Гонсало Рамос, додека единствениот гол за Норвешка го постигна Ерлинг Халанд.

НЕ ИГРАШЕ 6.678 ДЕНА ПОСЛЕ ПОСЛЕДНИОТ ВАКОВ НАТПРЕВАР

Последен пат Роналдо цел натпревар го поминал на клупата во официјален меч за Португалија на 15 јуни 2008 година, против Швајцарија на Европското првенство.

Оттогаш поминаа 6.678 дена до новиот официјален натпревар на кој најголемата португалска ѕвезда не доби ниту една минута.

Роналдо досега има одиграно 234 натпревари за Португалија и постигнато 146 голови.

ВЕДНАШ ЗАМИНА ВО СОБЛЕКУВАЛНАТА

По последниот свиреж, Роналдо не им се придружи на соиграчите кои останаа на теренот за да им се заблагодарат на околу 500 португалски навивачи на стадионот „Улевал“.

Според португалскиот весник „О Жого“, капитенот директно се упатил кон тунелот и заминал во соблекувалната.

ЖЕСУС: „ФАКТОТ ШТО НЕ ИГРАШЕ НЕ ЗНАЧИ ДЕКА НЕ СМЕТАМ НА НЕГО“

Селекторот Жорж Жесус по натпреварот изјави дека не забележал веднаш дека Роналдо го напуштил теренот.

Тој ја објасни и одлуката да не го внесе капитенот во игра, истакнувајќи дека тактичкиот тек на натпреварот не барал напаѓач со неговите карактеристики.

„Му реков дека ќе влезе во игра, но проценив дека во тој момент менувањето и воведувањето на напаѓач со неговите карактеристики не е потребно“, изјави Жесус.

Селекторот нагласи дека улогата на Роналдо во репрезентацијата не е намалена поради тоа што не настапи против Норвешка.

ПРЕД ПОРТУГАЛИЈА СЛЕДУВА ДАНСКА

По победите против Велс и Норвешка, Португалија е на врвот во својата група.

Следниот предизвик за избраниците на Жорж Жесус ќе биде репрезентацијата на Данска.