ПО ПОВОД ДЕНОТ НА СЕМЕЈСТВОТО – СОС Детско село и македонските музички ѕвезди со песна „Насмевка“

СОС Детско село, организација која од 2001 година работи со мисија ни едно дете да не расте само, денес одбележува 15 Мај – Меѓународниот ден на семејството со премиера на песната „Насмевка“, создадена како симбол на љубов, поддршка и заедништво.

Во изминатите 24 години, преку своите програми за згрижување, зајакнување на семејства во ризик и економска поддршка на млади, организацијата им помогнала на повеќе од 5.000 деца и млади да изградат сигурна иднина.

Авторот Игор Атанасоски – Гуру Харе, во соработка со десет македонски музички ѕвезди, ја создаде емотивната песна „Насмевка“, која од денес е симбол на солидарноста и семејната грижа.

Во проектот учествуваат: Игор Џамбазов, Пере Нокаут, Сара Мејс, Дани Димитровска, Антонија Гиговска, Влатко Лозано, Тамара Тодевска, Мијата, Андријана Јаневска и Стефан од Некст Тајм.

„Ни подарија нешто волшебно убаво – емотивна, топла и искрена песна со наслов ‘Насмевка’“, изјавија од СОС Детско село.