РОНАЛДО СЕ ЖЕНИ Познато кога и каде ќе се одржи свадбата со Џорџина
По речиси 10 години заедно, португалските медиуми тврдат дека славниот фудбалер и неговата партнерка овој викенд би можеле да ја крунисаат љубовта со брак.
Еден од најпознатите парови во светот на спортот и шоубизнисот наводно е пред голем чекор. Според пишувањата на португалските медиуми, Кристијано Роналдо и неговата долгогодишна партнерка Џорџина Родригез би можеле да стапат во брак овој викенд. Наводно, свадбата е планирана за сабота, 1 август, а како можна локација се споменува луксузниот имот Квинта да Регалеира во Синтра, една од најпознатите туристички атракции во Португалија.
Љубовната приказна на Роналдо и Џорџина започна во 2016 година во Мадрид. Двајцата се запознале во продавница на „Гучи“, каде што Џорџина во тоа време работела. Оттогаш, нивната врска прерасна во долгогодишно партнерство и заеднички семеен живот. По речиси една деценија помината заедно, гласините за свадба повторно го привлекоа вниманието на јавноста, особено откако португалските медиуми објавија дека церемонијата би можела да се одржи токму овој викенд.
Сепак, засега нема официјална потврда од Роналдо или Родригез за датумот и местото на свадбата. Затоа, останува да се види дали шпекулациите ќе се покажат како точни и дали славниот пар навистина ќе застане пред олтарот на 1 август.
