ЌЕ ЗЕМЕМЕ ШТО САКАМЕ Трамп откри што им овозможува договорот со Украина

Американскиот претседател Доналд Трамп изјави дека договорот меѓу САД и Украина за експлоатација на природните ресурси на земјата им овозможува на Соединетите Американски Држави широк пристап до украинското минерално богатство.

„Украина има многу богата и плодна земја кога станува збор за ретките земјени елементи. Потпишавме договор и можеме да одиме таму во секое време и да земеме практично сè што сакаме“ – изјави Трамп во интервју за американски медиуми.

САД и Украина го потпишаа договорот за природните ресурси на 30 април минатата година. Со него се воспоставува рамка за соработка во областа на минералните и другите природни ресурси, при што САД добиваат приоритет при купувањето на производите што се експлоатираат во Украина.

Договорот е дел од пошироката економска соработка меѓу Вашингтон и Киев и предвидува учество во идните приходи од украинските природни ресурси.