ГРЦИЈА РУШИ РЕКОРДИ ВО ВРЕМЕ НА СВЕТСКА КРИЗА Милиони туристи навалија, приходите експлодираа

Туризмот во Грција продолжува да расте со силно темпо и во 2026 година, покажувајќи отпорност и покрај геополитичките тензии на Блискиот Исток кои влијаат врз туристичките движења во поширокиот медитерански регион.

Според податоците на Грчката банка, во првите три месеци од годинава земјата ја посетиле околу 3,4 милиони туристи, што е за 38,3 проценти повеќе во споредба со истиот период лани. Истовремено, туристичките приходи достигнале 1,67 милијарди евра, бележејќи раст од дури 64,3 проценти во однос на првиот квартал од 2025 година, објави грчкиот весник „Катимерини“.

Овие резултати следуваат по рекордната 2025 година за грчкиот туризам, кога земјата привлече голем број посетители и покрај загриженоста дека регионалната нестабилност би можела да се одрази врз туристичката индустрија.

Експертите сметаат дека актуелните показатели се јасен сигнал дека Грција е на пат кон уште една успешна туристичка сезона, со очекувања за дополнителен раст на бројот на посетители и приходите од туризмот во текот на целата 2026 година.

БЛИСКИОТ ИСТОК ЈА ТРЕСЕ ТУРИСТИЧКАТА СЕЗОНА – Грција и Хрватска чекаат спас од соседите