(ВИДЕО) КРВАВО ФУДБАЛСКО ФИНАЛЕ ШТО ЈА ПОТРЕСЕ ШПАНИЈА – Тепачка, Марадона и крал на трибините

Ривалството меѓу Атлетик Билбао и Барселона има долга историја, но една од неговите најжешки епизоди се случи во сезоната 1983/1984.

Во септември 1983 година, на натпревар во кој Атлетик Билбао славеше убедлива победа од 4-0, Андони Гоикочеа познат по прекарот „касапот од Билбао“ направи остар старт врз Диего Марадона. Во тој дуел Аргентинецот заработи тешка повреда на зглобот и мораше да паузира неколку месеци, што дополнително ги зголеми тензиите меѓу двата клуба.

Во следните месеци односите меѓу тимовите стануваа сè понапрегнати, со серија јавни навреди и остри изјави од двете страни. Ситуацијата кулминираше пред финалето на Кралскиот куп, одиграно на 5 мај 1984 година на „Сантијаго Бернабеу“.

Пред самиот натпревар, тренерот на Атлетик Билбао, Хавиер Клементе, го нарече Марадона „целосен имбецил“, на што Аргентинецот возврати со остри коментари. Напнатоста не се смири ни покрај повиците за мирна атмосфера.

Во финалето, Атлетик Билбао победи со 1-0 со гол на Ендика Гуарочена, но натпреварот беше обележан со многу груба игра, провокации и постојани прекршоци, особено врз Марадона. По последниот свиреж, ситуацијата ескалираше во масовна тепачка меѓу фудбалерите, што предизвика голем скандал.

Инцидентот го следеле и високи официјални лица, меѓу кои и кралот Хуан Карлос, што дополнително го засили јавниот одек во Шпанија. Последиците беа сериозни: неколку играчи добија суспензии од неколку месеци, а Марадона беше казнет со три месеци забрана за настапи.

Набргу по овие настани, и поради дополнителни тензии надвор од теренот, Марадона го напушти Барселона и премина во Наполи, каде подоцна ја достигна својата фудбалска легенда.

It’s 42 years since Diego Maradona morphed into the Karate Kid, ironed out the Bilbao keeper, and caused a riot during the Copa Del Rey final.

Bring yer dinner. pic.twitter.com/WXglR1cO7h

— A Funny Old Game (@sid_lambert) May 5, 2026