НА 47 ГОДИНИ СЕ СЛУЧУВА ПРЕСВРТ – Најсреќниот период од животот

Иако често се смета дека најдобрите години се во дваесеттите, ново истражување покажува дека луѓето најголема здравствена и животна задоволеност ја чувствуваат околу 47-годишна возраст.

Студијата, спроведена меѓу 2.000 испитаници од Велика Британија, открива дека крајот на четвртата деценија од животот е поврзан со повисока самодоверба, подобро разбирање на сопственото тело и помалку влијание од надворешни мислења.

Експертите објаснуваат дека со текот на времето луѓето сè повеќе се фокусираат на сопственото чувство на благосостојба, наместо на изгледот. Во овој период многумина усвојуваат поздрави навики, поретко консумираат алкохол, помалку излегуваат и повеќе обрнуваат внимание на исхраната и одморот.

Дополнително, дел од учесниците наведуваат дека децата или внуците им даваат дополнителна мотивација да останат активни, што позитивно влијае и врз физичкото и менталното здравје.

Сепак, стручњаците нагласуваат дека грижата за здравјето не треба да се одложува, бидејќи здравите навики се најважни во секоја животна фаза.