ПАРИСКОТО ОБВИНИТЕЛСТВО ВО АКЦИЈА Илон Маск повикан на сослушување
Истрагата се прошири поради сексуално експлицитни dipfakes и материјали што негираат Холокауст.
Канцелариите на компанијата X во Франција се предмет на истрага, а полициските претреси се во тек, потврди париското обвинителство. Единицата за сајбер криминал го спроведува претресот со поддршка од Европол.
Истрагата е поврзана со објави на платформата X за сексуално експлицитни dipfakes и содржини што негираат Холокауст. Процесот, кој беше проширен во јули 2025 година, има за цел да се обезбеди дека X ги почитува француските закони.
Компанијата претходно го оцени проширувањето на истрагата како „политички мотивирано“ и ги отфрли обвинувањата дека ја манипулирала својата алгоритамска функционалност.
Париското обвинителство исто така објави дека повеќе нема да користи X како канал за комуникација и дека во иднина ќе ја користи LinkedIn и Instagram за јавни соопштенија.
Во рамки на истрагата, Елон Маск и поранешната извршна директорка на X, Линда Џакарино, се повикани на сослушување закажано за април. Компанијата X сè уште не дала официјален коментар за случајот.