ЕДНО Е ЈАСНО – Денешната шеста средба на Путин со емисарите на Трамп беше најдолга – траеше пет часа

Средбата меѓу рускиот претседател Владимир Путин и специјалниот претставник на САД Стив Виткоф заврши по речиси пет часа, јавува РИА Новости. Разговорите започнаа околу 19:40 часот по московско време (17:40 по македонско време), а првата фотографија од средбата од Кремљ беше објавена во тоа време.

Путин ги прими Виткоф и Џаред Кушнер, зетот на американскиот претседател и основач на „Афинити партнерс“. Од руската страна присуствуваа помошникот на претседателот Путин, Јуриј Ушаков, и специјалниот претставник за инвестиции и економска соработка, Кирил Дмитриев, извршен директор на Рускиот фонд за директни инвестиции.

Ова е шеста посета на Виткоф во Русија годинава. Тој претходно ја посети Москва на 11 февруари, 13 март и двапати во април на 11 април во Санкт Петербург и на 25 април во Москва. Сите овие средби беа поврзани со ситуацијата во Украина. Последната средба се одржа на 6 август и, според Кремљ, беше продуктивна и ефикасна, со размени на сигнали кои ја отворија патеката за руско-американскиот самит во Алјаска.

Тековната посета е посветена на дискусија за американскиот мировен план за Украина, при што Путин информираше дека Москва е подготвена за сериозен дијалог околу можното решение.

Засега нема официјална реакција во однос на оваа најнова рунда преговори за мировно решение во Украина. По завршувањето на разговорите, Кирил Дмитриев на социјалната мрежа Икс кратко напиша: „Продуктивно“, оставајќи впечаток дека средбата поминала во конструктивна атмосфера.