ИСТОЧНА МАКЕДОНИЈА ОСТАНУВА БЕЗ КОНФЕКЦИИ За осум месеци затворени десет фабрики

За само осум месеци во источна Македонија вратата ја затвориле околу десет конфекциски фабрики, како резултат на намалените порачки од странските партнери, изјави за МИА Ангел Димитров од Организацијата на работодавачи.

Фабриките што сè уште работат се соочуваат со нови проблеми – бројот на работници се намалува, бидејќи постарите заминуваат во пензија, а нивната замена не се планира. „Индустријата сега функционира на значително пониско ниво од порано,“ предупредува Димитров.

Текстилниот сектор во Македонија во последните години помина низ три големи кризи, кои резултираа со пад на налозите од традиционалните германски партнери. Денес, конфекциите работат со ограничени порачки – дел од нив се одбивани од конкуренцијата во земји како Бангладеш.

Во индустријата во моментов се ангажирани околу 25.000 лица, но и бројот на работници и извозот бележат континуиран пад уште од 2010 година. Овој негативен тренд дополнително се засили по пандемијата со ковид-19 и поради економските проблеми во Германија.

Ситуацијата ја влошија и војната во Украина и енергетската криза, кои предизвикаа пад на побарувачката за текстилни производи на германскиот пазар – клучен за македонските конфекции.

Иако седниците на Економско-социјалниот совет во моментов мируваат, се очекува по изборите да продолжат, а работодавачите да ги изнесат своите барања за спас на индустријата.