КАЗЕМИРО ОСТАНУВА ВО ЈУНАЈТЕД Одби понуди поради амбиции и висока плата

Бразилскиот фудбалер Каземиро, кој во последната сезона беше оставен на клупата од тренерот Рубен Аморим, одлучи да остане во Манчестер Јунајтед, и покрај примамливата понуда од саудискиот клуб Ал Наср. Иако во девет натпревари од Премиер лигата не доби шанса да игра, Каземиро се фокусира на својата кариера и желбата да биде дел од репрезентацијата на Бразил на Светското првенство 2026.

Каземиро, кој во Реал Мадрид беше дел од успешниот среден ред со Модриќ и Крос, се приклучи на Јунајтед пред три години и веднаш стана важен играч. Сепак, по доаѓањето на Аморим, неговата улога во тимот значително се промени, а управата на клубот размислуваше да го ослободи, делумно поради неговата висока плата од 21 милион евра годишно.

Недостатокот на минути во Јунајтед влијаеше на неговиот статус во бразилската репрезентација, но ситуацијата се променила со назначувањето на Карло Анчелоти за нов селектор. Со оглед на нивната успешна соработка во Реал, Каземиро повторно доби шанса да игра за репрезентацијата, а во новата сезона во Јунајтед, неговата минутажа значително се зголеми.

И покрај понудата од Ал Наср, Каземиро е свесен дека преминувањето во Саудиска Арабија би значело отсуство од плановите на Анчелоти. Затоа, тој одлучи да остане во Манчестер Јунајтед, што се покажа како правилен потег, бидејќи во првите три кола од новата сезона играше во просек 63 минути по натпревар. Во дресот на Бразил, Каземиро има 77 настапи, со седум голови и три асистенции.