ЗЕЛЕНСКИ ЧЕКА ОДГОВОР ОД МОСКВА Дали ќе седнат на иста маса Трамп, Путин и украинскиот претседател

Украинскиот претседател Володимир Зеленски изјави дека засега не знае кога би можела да се одржи средба на лидерите на Украина, САД и Русија, нагласувајќи дека нејзиното одржување сега зависи од руската страна.

„Не знам кога ќе имаме состанок со Русија на лидерско ниво. Денес зависи од руската страна, бидејќи тие никогаш порано не поддржале таков состанок“, изјави Зеленски на заедничката прес-конференција со холандскиот премиер Роб Јетен во Хаг, пренесува „Укринформ“.

Зеленски посочи дека за постигнување решение за завршување на војната се неопходни директни разговори меѓу лидерите, со учество на украинската страна.

Според него, преговорите треба да ги опфатат најчувствителните прашања, меѓу кои идниот статус на спорните територии и безбедносните гаранции за Украина.

Засега нема потврден датум за евентуална трилатерална средба меѓу Зеленски, американскиот претседател Доналд Трамп и рускиот претседател Владимир Путин.