ПУТИН ОТРКИ ДЕКА МОСКВА Е ВО КОНТАКТ СО ИЛОН МАСК И покрај политичките тензии
Рускиот претседател го нарече американскиот милијардер „индустриски гениј“ и потврди дека постојат контакти со него во врска со сателитските констелации во ниската Земјина орбита.
Рускиот претседател Владимир Путин изјави дека Русија одржува контакти со американскиот милијардер Илон Маск во врска со сателитските констелации, и покрај политичките несогласувања меѓу Москва и Вашингтон.
„Илон Маск е индустриски гениј, тој има повеќе од 5.000 сателити во орбитата. Ние сме во близок контакт со нашите американски партнери, вклучувајќи го и г-дин Маск“, изјави Путин за време на посетата на изложба организирана на маргините на самитот „Русија-Африка“, пренесува „Спутник“.
Рускиот претседател истакна дека лансирањето сателити во орбитата бара „ред и дисциплина“, нагласувајќи ја сложеноста на ваквите технолошки операции.
Изјавата на Путин привлекува внимание поради политичките тензии меѓу Русија и САД, но во објавените информации не се наведени конкретни детали за содржината и целите на контактите со Маск.
