ВОЗНЕМИРУВАЧКИ ОБВИНУВАЊА Русија тврди дека Западот спрема беспилотни летала кон Русија
Рускиот претставник во ОБСЕ предупредува на „суров и немилосрден одговор“.
Москва смета дека постојат основи за сомнеж дека беспилотни летала насочени кон Русија би можеле да бидат лансирани од територии на земји членки на НАТО, изјави рускиот постојан претставник во ОБСЕ, Дмитриј Пољански. Тој предупреди на можен „суров и немилосрден одговор“ од руската страна.
На состанок на Постојаниот совет на ОБСЕ, Пољански изјави дека Русија има, како што рече, „сериозни причини“ за вакви сомнежи и додаде дека следните напади со беспилотни летала би можеле да бидат поврзани со НАТО-земји.
„Не бидете изненадени од нашиот суров и немилосрден одговор; практично самите го барате тоа“, изјави тој.
Тој исто така оцени дека руската страна нема големи очекувања од западните политички елити, за кои смета дека ја туркаат Европа кон нова голема воена конфронтација. Сепак, посочи дека надеж гледа кај дел од јавноста и интелектуалците на Запад, кои, според него, сè уште изнесуваат „разумни ставови“.
Во таа насока, тој се повика на отворено писмо на американскиот економист Џефри Сакс до германскиот канцелар, во кое се предупредува на ризик од директен конфликт меѓу Европа и Русија и се повикува на зајакнување на ОБСЕ како клучна платформа за европска безбедност.
НАТО ВЕЖБА ВОЈНА СО РУСИЈА ВО ФИНСКА – Москва испрати алармантна порака